F-5 Francinne Lou milubong sa YBA
CEBU, Philippines - Nakarekober ang F-5 Francinne Lou human kini mabiyai sa unang tulo ka kuwarter dihang milusad kini og mainitong rally sa nanghinapos nga bahin sa final period sa makutas nilang duwa batok sa YBA.
Ang F-5 Francinne Lou ni team owner Engr. Fernando 'Dondon' Singco, milubong sa YBA sa iskor nga 92-74 alang sa ilang 2-0 nga baraha sa Lapu-Lapu Sports Club (LLSC) Fiesta Conference basketball tournament niadtong Lunes sa gabii didto sa Barangay Agus gym, Lapu-Lapu City.
Sila si ex-USPF Panther Sherwin Candilada ug ex-USJR Jaguar Josak Arong maoy responsabli sa ikaduhang sunod-sunod nga daog sa F-5 Francinne Lou nga mikulit og double figures. Si Candilada miugkat og 21 puntos, samtang si Arong miligwat og 20 puntos.
Mikawhat sab og double figures si Joppy Guevarra pinaagi sa iyang 12 puntos, gisundan ni Rey Sandal nga adunay 11 puntos alang sa F-5 Francinne Lou nga nakatabla, 78-all human sa 3-point shot ni Arong sa nanghinapos nga bahin sa duwa.
Ang naparot nga YBA nga wala pay daog sa tulo ka duwa, gipangulohan ni Bayot Espinosa, kinsa mipupo og 23 puntos, samtang sila si Bentoy Intong ug Jay Tinamisan mitikdol og 11 ug 10 puntos matag usa.
PUNTOS MATAG USA
F-5 FRANCINNE LOU (92) - Candilada 21, Arong 20, Guevarra 12, Sandal 11, Velasquez 8, Damolo 6,
Belga 5, Oyao 5, Singco 4
YBA (74) - Espinosa 23, Intong 12, Tinamisan 10, Abad 9, Asejo 8, Aton 6, Malubay 2, Pepito 2, Intong 2 (BANAT SPORTS)
- Latest
