Lady Stags kakasa sa Altas sa NCAA volley finals
MANILA, Philippines - Pinataob ng multi-titled San Sebastian ang Arellano University, 25-15, 25-27, 28-26, 25-22, upang angkinin ang ikalawang puwesto sa finals ng NCAA women’s volleyball na nagdaos ng laro kahapon sa The Arena sa San Juan City.
May 31 puntos si Gretchel Soltones na lahat ay nanggaling sa kills habang si Jolina Labiano ay naghatid ng 19 sa kabuuang 20 puntos sa spikes upang tulungan ang Lady Stags na tapusin ang semifinals sa ikalawang puwesto tangan ang 2-1 baraha.
Sila ang makakaharap ng nagdedepensang kampeon na Perpetual Help sa best-of-three finals na sisimulan bukas.
Ang Perpetual Help at Emilio Aguinaldo College ang magtutuos sa titulo sa kalalakihan.
Tinalo ng Altas ang San Beda, 25-19, 25-13, 21-25, 25-21, tungo sa 3-0 sweep sa round-robin semis.
Minalas naman na n aÂtalo ang Generals sa kamay ng Lyceum, 24-26, 25-23, 25-19,17-25, 15-12.
- Latest
