RCAF pabiling walay pilde sa UBCA Camp 2013

CEBU, Philippines - Gipatapsingan sa  team RCAF ni Romeo Faunillan ang San Carlos Heights (SCH), 101-100 pinaagi sa

overtime aron pabiling walay pilde sa 2nd Upper Bayanihan Catholic Association (UBCA) Camp 2013 niadtong Domingo

sa gabii didto sa barangay Quiot Sports Complex.

 Ang RCAF igo lang naglabaw og kuwatro puntos, 23-19 sa opening period ug dali kaayo kining gipapas sa

SCH  pinaagi sa ilang 23-13 run aron ilogon ang labaw  sa halftime, 42-36 pinaagi sa pagtimon nilang Rowell Juban ug

Doy Dela Cerna.

 Nahimong sikit ang duwa sa kinatibuk-ang fourth quarter  ug gani kapila kini magtabla ug nagbanos-banos og

labaw hangtod nga nakaiskor   si Rommel Garcia sa RCAF sa nahabiling siyete segundos nga maoy naghatod sa duwa

ngadto sa overtime human magtabla ang iskor, 86-all human sa regulasyon.

 Kanunay sab sikit ang duwa sulod sa singko minutos nga overtime period hangtod nga nakuha sa RCAF ang

daog.

 Si Danrey Baclay maoy nangu sa RCAF sa iyang 30 puntos, gisundan ni   Rommel Garcia sa iyang 20 puntos.

 Silang Barack Ecojedo ug Juban maoy nangu sa SCH nga nagkumboya'g 38 puntos.

 Sa sayo pa, ang ICC Pharmacy ni  Erik Peñoza midaog batok sa defending champion Grace Bostolits ni Toly

Petiluna, sa iskor nga 100-94.

 Ang 6-foot-2 center nga si Louie Villarin ug hotshot Danny Dela Peña maoy nangu sa Pharmacians sa ilang 19

ug 18 puntos matag usa, samtang si  Roger Quitoy mao usab ang nangu sa Grace Bostolits sa iyang 24 puntos. Si Michael

Malalay miamot og 18 puntos.

 Midaog sab ang Mariquit Aqua Venture batok sa UBCA Magic, 101-100 ubos sa pagpangulo ni Nonie

Sabandeja, kinsa mibahog og 20 puntos, gisundan ni Robert Abasolo sa iyang 19 puntos. Ang UBCA Magic gipangulohan

nilang Niño Dela Cruz ug Jessie Rudinas sa ilang 22 ug 21 puntos matag usa.

Puntos Matag Usa

Unang duwa:

 ICC (100) - Villarin 19, D. Dela Peña 18, Palma 17, Lasque 11, Saban 7, L. Dela Peña 6, Lawas 6, Celestial

5, Padillo 4, Panibon 4, Lopez 3

 BOSTOLITS (94) - Quitoy 24, Malalay 18, Francisco 12, Abacajan 9, Dela Peña 6, Llamedo 6, Petiluna 6,

Ochigue 4, Regis 4, Pizon 3, Patrimonio 2

Ikaduhang duwa:

 RCAF (101) - Baclay 30, Garcia 20, Ramirez 19, Sevellejo 9, Calvo 9, Faunillan 6, Jimmy 4,

Petallar 2, Villantes 2

 SCH (100) - Ecojedo 20, Juban 18, Sadorra 14, Abelido 8, Dela Cerna 8,  Español 6, Celestial 6, Meso 6,

Alesna 4, Dela Cruz 4, Galdo 3, Ararao 3

Ikatulong duwa:

 MARIQUIT (101) - Sabandeja 20, Abasolo 19, Canarias 17, Caballero 15, Borces 10, G. Tuburan 4,

Pañares 2, Saromines 2, Gabonia 2, Mahipos 2, A. Tuburan 2, Jaz 2, Abellanosa 2, G. Tuburan 2

 MAGIC (100) - Dela Cruz 22, Rudinas 21, Villaso 16, Cañete 13, Murillo 10, Naces 8, Delima 6, Daclan 2,

Zaballero 2. (BANAT NEWS)