MBD ug GCM 2-0 na sa fya hoopla

CEBU, Philippines - Nakaipsot ang MBD Law Firm batok sa kugihan nga Pastrano's Special Chicharon sa iskor, 84-83 dihang giluwas kini ni Daniel Enriquez kinsa mipasulod sa iyang lay-up sa nahibiling 8.4 segundos niadtong Biyernes alang sa ilang 2-0 lead sa nagpadayong 6th season sa F. Llamas Youth Association (FYA) didto sa barangay Tisa gym, ning dakbayan.

Sa ikaduhang duwa, midaug ang GCM-Brasil batok sa Harold's Hotel sa iskor, 80-77.

Nabiyaan unta'g 15 puntos ang Pastrano's apan naka-apas sila ug milabaw human sa duha ka free throws ni Yokyok Conde sa kataposang nuybe segundos sa duwa.

Si Enriquez maoy nangu sa MBD Law Firm sa iyang 27 puntos ug midugang si Nico Laborte og 25 puntos. Ang ilang point guard nga si Baeng Medalle mihimo'g 15 puntos.

Silang Janus Abellana ug Ariel Mayol maoy nangu sa 0-2 nga Pastrano sa ilang 23 ug 2 puntos, matag usa.

Sa laing bahin, balanse nga scoring ang gihimo sa GCM diin maoy namuntos silang Eugene Oropa ug Tata Laborte kinsa miposa og 15 ug 14 puntos, matag usa.

Naghupot na sab karon og 2-0 nga baraha ang GCM diin nagtabla sila sa liderato uban sa MBD samtang ang Harold's Hotel kinsa gipangulohan ni Toper Marata kinsa mihakot  og  26 puntos, adunay 0-2 nga baraha.  

Magsangka karong gabii ang Pimentel Brokers ni team owner Marty Pimentel batok sa Simple Likes Barbecue Haus diin tinguha sab nilang mokulit sa ilang ikaduhang daog.     

Sa laing duwa, magtakos ang Elijah batok Hayleb.

Ang FYA gipaluyohan ni Tisa barangay captain Tita Cabulao.

Puntos matag usa:

First Game:

MBD Law (84—    Enriquez 27, Laborte 25, Medalle 15, Lastomen 8, Masongsong 5, Arreglo 2, Canete 1

Pastrano's (83 )— Abellana 23, Mayol 22, Lavandero 14, Sydiongco 8, Dacayana 7, Conde 6, Carsano 4

Second Game:

GCM (80)— Oropa 15, Laborte 14, Avila 10, EJ Fernandez 10, Aregadas 8, Palo 6, E. Fernandez 5, Boysillo 3, Tapdasan 2

Harold's Hotel (77)— Marata 26, Cadungog 17, Tolentino 10, Sabalande 10, Machachor 6, Cal 5, Batuto 2, Glodove 1