Barangay Ginebra third sa sinulog cup 2013

CEBU, Philippines -  Nakaipsot ang Barangay Ginebra San

Miguel sa kulbahinam kaayong nga duwa batok sa M. Lhuillier Kwarta Padala-Cebu Niños pinaagi sa pagposte og 89-86

nga kadaugan ug aron usab sakmiton ang third place trophy sa 2013 Sinulog Cup basketball tournament kagabii didto sa

Cebu Coliseum.

 Gidominar sa Ginebra ang first half diin milabaw sila'g kuwatro puntos, 43-39.

 Sa paningkamot sa ilang 6-foot-9 import ug kanhi NBA cager nga si Herbert Hill, miburot  pa  ang labaw

ngadto sa 11 puntos  69-58, sa nahabiling 1:43 sa third period.

 Apan ang nagpakahilom nga Cebu Niños, kalit nga nga milusad og mainitong rally sa final period ug

nakahigayon pa kini pag-ilog ang labaw, 86-85  human sa three-point shot ni Bryan Heruela sa katapusang 41 segundos sa

duwa.

 Mibawos usab hinuon dayon si Hill pinaagi sa iyang footback  ug sukad niadto kanunay na nga naggukod ang

M. Lhuillier.

 Ang duha ka free-throw ni Hill maoy miselyo sa daog sa Ginebra.

 Suportado sab si Hill ni  Elmer Espiritu, kinsa mipupo og 12 puntos ug nilang Jay-jay Helterbrand ug Chris Ellis

nga nagkumboya og 20 puntos.

  Si Benoit Mbala maoy nangulo sa pilderong M. Lhuillier pinaagi sa iyang 18 puntos, gisundan ni Heruela nga

adunay 14 puntos ug Justin Aboude sa iyang 12 puntos matag usa. (BANAT NEWS)

PUNTOS MATAG USA

 Ginebra (89) - Hill 25, Espiritu 12, Helterbrand 11, Ellis 9, Labagala 9, Wilson 6, Taha 5, Mamaril 4, Baracael

2

 M. Lhuillier (86) - Mbala 18, Heruela 14, Aboude 12, Armecin 11, Magsumbol 9, Rodriguez 6, Saladaga 5,

Padilla 3