SGM Diony mohimo sa iyang katapusang seminar sa US

CEBU, Philippines -   Ang  Doce Pares Supreme Grandmaster nga si  Diony Cañete  ODL (Order of Datu Lapu-Lapu) mohimo sa iyang katapusang Eskrima seminar didto sa Estados Unidos karong Mayo.

 Si SGM Diony ODL, kinsa gusto na nga moretiro sa iyang Eskrima world seminar circuit niadtong 2004, nakahukom nga mohimo sa iyang katapusang Eskrima seminar sa Mayo ug Hunyo didto sa US East ug West Coasts.

 "It is about time for me to settle down in the Philippines as my businesses in Luzon, Visayas and Mindanao needs my full attention. Having seminars outside of the country will not allow me to run my renewable energy consultancy company,"  matud pa ni SGM Diony.

 "I am giving way to the Grandmasters Arnulfo ‘Dong’ Cuesta ODL, Fred Bandalan, Val Pableo, Masters Erwin Mosqueda, Nilo Baron, Mike McKenzie and Remigio Berandoy. "They are all ready to take cudgels in holding seminars and promoting the Doce Pares Multi-Style system," dugang pa niya.

 Si GM Cuesta ODL sa Philippine Integrated Martial Arts-Doce Pares mosugat ni SGM Diony ODL ug kaubanan sa hinapos nga bahin sa bulan sa Mayo sa New York ug New Jersey, samtang si GM Steve Wolk sa PIMA-Denver mo-host og usa ka adlaw nga seminar didto sa  Colorado.

 Si SGM Diony ODL mopatighug didto sa West Coast sa sayong bahin sa Hunyo uban ni GM Bandalan ug Master Baron nga mo-host sa North California leg, samtang silang Masters Mosqueda, McKenzie ug Berandoy mo-host sa South California seminar workshop.

 Uban ni SGM  Diony ODL mao sila si Doce Pares directors Master Michael Cañete ug GM Pableo, Master Gerald Cañete, iyang biographer nga si Onairos P. Cortel ug top instructors gikan sa Doce Pares World Headquarter. (BANAT SPORTS)