Deadline sa registration gisibog

CEBU, Philippines -  Gisibog sa mga organizer sa HoopStars 2013 Corporate League sa J Centre Mall ang deadline sa registration

sa torneyo ngadto  sa Enero 26 ug ang opening niini ngadto sa Pebrero 9 tungod sa hangyo sa mga partisipanteng

kompaniya.

 "Many of these firms, especially the hotels and those into consumer marketing, have been occupied with

Sinulog-related activities," sumala pa ni  Joseph James 'Jojo' Cornejo, ang HoopStars chairman ug marketing consultant sa

J Centre Mall.

 "They needed time to work on and complete the documents we required

them to submit,"  dugang pa niya.

  Duha ka mga duwa ang pagahimuon matag adlaw gikan sa alas-6:30 hangtod sa alas-8 sa gabii didto sa roof-

deck basketball court sa J Centre Mall sa A.S. Fortuna St., Mandaue City.

 Ang Inter-company basketball tournament matapos sa Marso 24, 2013.

 Sumala pa ni Cornejo, nga ang mga koponan nga gitukod ubos sa Philippine laws mahimong moapil

sa liga.

 Kinahanglan nga 10 sa 15 ka players sa matag koponan mga regular organic employees sa kompaniya,

samtang ang uban mga staff sa direct suppliers o direct service providers sama sa consultants.

 Matud ni Cornejo nga ang professional ug commercial players did-an sa pagsalmot sa torneyo, apan kadtong

varsity players sa high school ug college mahimong makaduwa sa liga.

 Aduna kini registration fee nga P5,000 diin ang kampiyon mobulsa og P25,000 ang first runner-up makadawat

og P10,000 ug ingon man tropeyo ug gift certificates gikan sa J Centre Mall tenants.

 Niadtong interesadong mosalmot, mahimong mo-email sa [email protected] o mahimong makigkita

ni Jerry Reyes, ang project coordinator ug acting marketing supervisor sa J Centre Mall. (BANAT NEWS)