Kopiko nagpanikad na supercross series
CEBU, Philippines - Nagpanikad na ang team Kopiko alang sa kick-off leg sa supercross series karong Sabado didto sa South Road Properties (SRP).
Gawas sa pagpaluyo og nationwide series, ang Kopiko nagtukod sab og kaugalingong team nga gipangulohan ni Jonjon Adlawan.
Uban ni Adlawan sa Kopiko team mao sila si Ado Decipolo, managsuong Jovanni ug Jubenile Abellar ug Risty dela Calzada. Si Teddy Montejo magsilbeng coach ug team manager sa koponan.
Sila si Decipolo ug Calzada mopakita'g aksiyon sa beginners ug novice class, samtang si Jovanni Abellar sa novice ug intermediate category.
Ang skipper ug endorser sa Kopiko nga si Adlawan uban ni Jubenille Abellar molumba sa pro ug open division.
Si Adlawan mopakita sab og aksiyon sa international division uban nilang Glenn Aguilar, Kimboy Pineda, Ted Conde, Ambo Yapparcon ug Irwin Ramas-Uypitching. Banggaon nila ang mga riders gikan sa Uropa.
- Latest
