Tinalo ang slammers KL Dragons nagsolo sa itaas
MANILA, Philippines - Sinolo ng Westport KL Dragons ang liderato sa 4th ASEAN Basketball League (ABL) nang manaig sa Chang Thailand Slammers, 91-83, noong Biyernes ng gabi sa Nimibutr Stadium sa Bangkok, Thailand.
May 22 puntos si Cedric Bozeman habang si Filipino import Patrick Cabahug ay may 20 puntos para sa Dragons na lumayo sa second period pero kinailaÂngan pa ring magpakatatag sa huling yugto para maisantabi ang paghahabol ng host team.
Napag-iwanan ng 18 sa pagsisimula ng ikatlong yugto, ang Slammers ay nakapanakot sa 72-76 sa magandang assist ni Froilan Baguion para kay Pairach Sekteera .
Pero kumana ng tres si Cabahug para pagningasin ang 8-1 palitan at iangat uli sa 11, 84-73, ang kalamaÂngan.
May 13 puntos, 8 rebounds at 6 blocks ang isa pang import ng Dragons na si Gavin Edwards para sa tropa ni Filipino coach Ariel Vanguardia na iniwanan ang dating mga kasalo sa liderato na San Miguel Beermen at Singapore Slingers sa 2-0 karta.
Naghatid ng 20 puntos, 13 rebounds at 4 steals si Christien Charles habang may 12 assists si Baguion para sa Slammers na nalaÂsap ang ikatlong dikit na pagkatalo at mangulelat sa 6-team tourney.
- Latest
