Delta team padayong nag-una sa liderato sa CEKALCO

CEBU, Philippines - Gipahugtan sa Team Delta ni Roland 'El Presidente' Sameon ang ilang liderato human  modaog batok sa Team Foxtrot, 106-96 pinaagi sa overtime sa Center Katipunan A. Lopez Christian Organization (CEKALCO) 2013 second season basketball tournament niadtong Biyernes sa gabii didto sa A. Lopez open court sa barangay Labangon.

Ang Delta miposte og 23-13 sa first period, apan mibawos ang Foxtrot sa sunod nga kuwarter pinaagi sa ilang 32-20 run aron sakmiton ang labaw, 50-43 sa halftime.

Nailog sab hinuon pagbalik sa Delta ang labaw, 71-66 pinaagi sa 28-16 run nga gipasiugdahan nilang Juniel Villarosa ug Julius Gutierrez.

Nakatabla pa unta ang Foxtrot, 91-all human sa basket ni Moises Craso hinungdan sa overtime, apan wala na sila makahuygo atol sa dugang singko minutos.

Si Villarosa miposa og 30 puntos aron pangulohan ang Delta, samtang si Author Acosta midugang og 25 puntos. Ang pilderong Foxtrot gipangulohan ni Erik Yee  pinaagi sa iyang 25  puntos.

Sa laing duwa, midaog sab pinaagi sa overtime ang Golf team   batok sa  Alpha sa iskor nga  82-78.

Si Mernado mipabuto og 22 puntos ug si Kit Arellano miamot og 17 puntos alang sa Golf, samtang silang Kenneth Beltran ug Nolit Tabasa maoy nangu sa Alpha nga nagkumboya og 44 puntos.

Puntos Matag Usa

Unang duwa:

DELTA (106) - Villarosa 30, Acosta 25, Gutierrez 21, Sinag 12, Sameon 7, Gonzaga 6, Dumduma 3, Ho 2

FOXTROT (96) - Yee 25, Zafra 19, Craso 17, Lazaga 10, Sumalinog 9, Elmido 6, Villamor 3

Ikaduhang duwa:

GOLF (82) - Mernado 22, Arellano 17, Garcia 14, Almencion 12, Hortezano 6, Bentozal 4, Redera 2

ALPHA (78) - Beltran 29, Tabasa 15, Navares 9, Arong 8, Lawrence 7,  Despi 6, Desoyo 4, Templo 4 (BANAT NEWS)