Doce Pares induction himuon ugma

CEBU, Philippines -  Himuon na ugmang adlawa, Enero 12 ang 81st   induction ceremony  sa Cacoy Doce Pares World Eskrima Federation diha sa ilang headquarters sa dalan C. Padilla, ning dakbayan.

 Ang kalihukan sugdan sa alas-6 sa gabii.

 Pangulohan kini  sa ilang lifetime president nga si Supreme Grandmaster Ciriaco 'Cacoy' Cañete, kinsa anaa na sa iyang ika-25 nga termino isip  presidente

 Ang 93-anyos nga si Cacoy,  kinsa usa sa founder  sa Doce Pares niadtong 1932, maoy mipuli sa mitaliwan niyang maguwang nga si Eulogio Cañete  niadtong 1988.

 Mopanumpa sa mga opisyales nga napili niadtong Disyembre 30 sa miaging tuig mao si Congressman ug

mayoralty candidate Tomas Osmeña, kansang anak nga si Miguel tinun-an sa  Doce Pares. (BANAT SPORTS)