Boracay sasagupa naman sa Xfoliant Big Chill lalapit sa semis berth

MANILA, Philippines - May tiwala si Big Chill coach Robert Sison na alam ng kanyang mga ali­­pores ang kahalagahan ng nalalabing tatlong laro sa kanilang paghahabol pa­ra sa ikalawa at huling aw­tomatikong puwesto sa semifinals sa PBA D-League Aspirants’ Cup.

“Maliban sa NLEX, ang ibang teams ay dikit-dikit sa standings kaya’t ang bawat ma­kukuhang panalo ay ma­giging mahalaga mula nga­yon,” wika ni Sison.

Tatangkain ng Super Chargers (5-2) na manatili ang kapit sa ikalawang pu­westo sa standings sa pag­harap sa Cagayan Ri­sing Sun (4-3) sa unang laro ngayong alas-2 ng ha­pon sa Arellano Gym sa Le­garda, Manila.

Kasalo ng Super Char­gers sa mahalagang pu­westo ang pahingang Black Water Sports (5-2).

Galing ang koponan  mula sa 88-68 panalo laban sa Erase Xfoliant (2-5) sa larong nakitaan ang Big Chill ng matibay na depensa tungo sa kumbinsidong panalo.

Sa kabilang banda, ang Ri­sing Suns ay maghaha­ngad na tapusin ang dalawang sunod na pagkatalo upang malaglag sila mula sa tuktok ng standings tu­ngo sa pagsalo sa ikaapat at limang puwesto kasama ang Fruitas Shakers (4-3).

Kailangan ng tropa ni coach Alvin Pua na talunin ang Big Chill para makadikit s­ila ng kalahating laro sa ma­giging solo second na Elite.

Mag-uunahan naman ang Boracay Rum (2-5) at Erase Xfoliant na makuha ang ikatlong panalo sa pag­kikita ng dalawang ko­ponang na posibleng maalis agad sa torneo.

Ang pride na lamang ang paglalabanan ng da­la­­wang koponan dahil ka­­hit wa­lisin pa ang lahat ng na­titirang tatlong laro ang tsan­sa na makaiwas sa ma­agang bakasyon ay na­­kadepende sa laro ng mga ko­ponan.