^

PSN Palaro

Prince nagsalpak ng mahalagang freethrows: Pistons lusot sa Bucks

Pilipino Star Ngayon

AUBURN HILLS, Mich. -- Nagsalpak si Tayshaun Prince ng dalawang freethrows sa huling 10.9 segundo pa­ra itakas ang Detroit Pistons kontra sa Milwaukee Bucks, 96-94.

Nakabalik ang Pistons matapos isuko ang isang 14-point lead laban sa Bucks.

Tumapos si Prince na may 20 points, habang nag­dag­dag si Greg Monroe ng 14 points at 10 rebounds pa­ra sa Detroit, may lima pang players na umiskor ng double figures.

Umiskor sina Charlie Villanueva at Brandon Knight ng tig-11 points kasunod ang 10 ni Jason Maxiell para sa Pistons.

Nagposte naman si Monta Ellis ng 30 points at 9 assists, samantalang may 24 markers si Erson Ilyasova para sa Bucks.

Parehong nanggaling sa panalo ang Pistons at Bucks laban sa defending NBA champion Miami Heat.

Tinalo ng Detroit ang Miami, 109-99, sa Auburn Hills noong Biyernes at giniba naman ng Bucks ang Heat, 104-85, sa Milwaukee noong Sabado.

Tumipa si Ellis ng isang fallaway baseline jumper sa huling 1:06 para ibigay sa Bucks ang 94-92 bentahe.

Ang hook shot naman ni Prince ang nagtabla sa laro sa 94-94 sa nalalabing 50.5 segundo.

Matapos ang mintis na jumper ni Ellis sa 31.9 segundo ay nakuha ni Maxiell ang rebound.

Mula sa timeout, binigyan ni Luc Mbah a Moute ng foul si Prince para sa dalawang freethrows nito sa natitirang 10.9 segundo.

Ang 3-point shot ni Ilyasova ang nagtabla sa iskor sa 92-92 sa 1:43 para kumpletuhin ang pagbangon ng Mil­waukee mula sa isang 14-point deficit.

Nauna nang kinuha ng Detroit ang 78-71 kalamangan papunta sa fourth quarter matapos iposte ang malaking 72-58 abante mula sa  basket ni Monroe sa  4:14 sa third period.

Sa isa pang laro, tinalo ng San Antonio Spurs ang Dallas Mavericks, 111-86.

AUBURN HILLS

BRANDON KNIGHT

CHARLIE VILLANUEVA

DALLAS MAVERICKS

DETROIT PISTONS

ELLIS

ERSON ILYASOVA

GREG MONROE

JASON MAXIELL

LUC MBAH

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with