Greenhills ug panagdait naka-una
CEBU, Philippines - Parehong mikulit og managlahing daog ang Greenhills Subdivision ug ang Panagdait niadtong Biyernes sa gabii atol sa Game 1 sa best-of-three championship series sa teens 19-under division ug sa adult-open category sa nagpadayong HoopStars’ Lord of the Rings - Battle of the Villages didto sa J Centre Mall sa dan A.S. Fortuna, Mandaue City.
Gipahimuslan sa Greenhills pagmakmak ang walay coach nga St. Paul College (SPC) gikan sa barangay Casuntingan, Mandaue City dihang ilang gilampurnas ang Bakilid, 84-53 nga gipaluyohan sa Jonie’s Flavored Chicken.
Sa main game diin nagtakos ang mga top teams ubos sa adult-open category, midaug ang Panagdait batok sa Summerville, 79-75 pinaagi sa come-from-behind fashion.
Sa sayo pa, si JC Aloro maoy nagtimon sa Greenhills diin mihakot siya’g 20 puntos.
Misuway unta pag-rally ang Bakilid-SPC pinaagi sa puntos gikan ni Alvin Joshua Olympia apan wala’y nakapiog kanilang Kevin Iboña ug RJ Panal sa Greenhills kinsa nag-igo gikan sa three-point territory.
Sa laing bahin, gitabla sa Panagdait ang iskor sa 72-all may dos minutos ang nahibiling oras ug na-fouled out na ang playmaker sa Summerville nga si Jopt Cleopas.
Puntos matag usa:
First Game:
Panagdait (79) – Geraga 25, Balansag J 16, Cortes 15, Camcaylan 7, Tecson 6, Dinolan 5, Laurente 4, Balansag C 2.
Summerville (75) – Tidoy 18, Cipriano 14, Cleopas 12, Abadia 10, Virtucio 10, Villarta 6, Gabasa 4.
Second Game:
Greenhills (84) – Aloro 20, Kong 18, Montesclaros 15, Iboña 13, Ceniza 11, Panal 4, Espina 3.
Bakilid-SPC (72) – Jayme 10, Fuentes 11, Suico 8, Iglesia 4, Magale 4, Olympia 3, Abrigo 2, Batiancila 2, Bayate 2, Gomez 2. (BANAT NEWS)
- Latest
