Masaligon gihapon ang retired heavyweight legend nga si Lennow Lewis nga makabangun pa si Filipino boxing superstar Manny Pacquiao sa iyang karera sa boxing.
Ang kanhi undisputed champion nga si Lewis nagtuo nga bisan pa sa ngil-ad niyang kapildehan, si Pacquiao subling moaway pagbalik og mopakita sa iyang talagsaong abilidad sa ring. (LPM)
2 Pinoy fighter ilog sa bakus
Duha ka mga Filipino Mixed Martial Arts (MMA) fighters nga sila si Eric Kelly ug Honorio Banario mao karon ang mag-ilog sa bakanteng One Fighting Championship (ONE FC) title.
Ang veteran nga si Kelly ug Banario sa Lakay Wushu magsangka sa main event didto sa Malaysia sa buwan sa Pebrero. (LPM)
Singapore hari sa Suzuki Cup
Ang Singapore Lions mao karon ang four-time AFF Suzuki Cup champion human nila gipukan ang Thailand, 1-0, sa second leg sa ilang finals series batok sa Thailand niadtong Sabado didto sa Bangkok.
Kahinumduman nga ang Singapore usab ang responsable sa pagpalagpot sa Philippine Azkals sa series. (LPM)
Ex-Olympican mikompisal
Mihimo og makapakugang nga rebelasyon ang kanhi three-time female Olympian nga si Suzy Favor Hamiltan kinsa miangkon nga usa siya sa mga mitrabaho sa ‘escort service’ didto sa Las Vegas.
Wala hinuoy gibasulan si Hamilton sa iyang gibuhat tungod kay luag sa iyang kabubut-on ang musud sa maong matang sa panginabuhi. (LPM)