Pacquiao-marquez 5?
CEBU, Philippines - Gitug-an ni Hall-of-Famer trainer Freddie Roach nga mitando na sa iyang gusto nga September fight ang iyang 'prized fighter' nga si Manny Pacquiao.
Si Roach nagkanayon nga nagkahinabi sila ni Pacquiao ug subli niyang gipugos kini nga sa Septiyembre nalang moaway pagbalik human sa sakit nga kapildehan niini sa mga kamot ni Mexican Juan Manuel Marquez niadtong Disyembre 9 didto sa MGM Arena sa Las Vegas.
Nasayran nga wa magkatakdo ang gusto nila ni Roach ug Pacquiao nga petsa kun kanus-a moaway pagbalik ang Filipino boxing icon. Si Pacquiao gusto nga mobalik dayun pag-away sa Abril, apan si Roach di mo-uyon niini tungod kay gusto niya nga makapahuway pa og dugay ang Filipino boxer.
Si Pacquiao nagkulob nga walay panimuot ibabaw sa ring human siya maigo sa brutal nga right hook ni Marquez atol sa sixth round sa ilang away.
"April is too soon after a knockout like that. We spoke about his next fight. I told him that I think he should come back around September and he agreed with me," matud pa ni Roach.
Sa laing bahin, si Top Rank Inc. CEO Bob Arum mibutyag nga kun masugdan ang negosasyon alang sa planong fifth fight ni Pacquiao ug Marquez, posibleng adto na kini ipahigayun didto sa Dallas Cowboys Stadium sa Texas.
- Latest
