SG Merchandise hari sa Sogod, Leyte

CEBU, Philippines - Ang SG Merchandise ni team owner Jason Arquisola maoy naghari sa Sogod, Leyte Mayor’s Cup niadtong Disyembre 15 didto sa Sogod Sports Complex.

 Tulo ka players sa SG pulos mga produkto sa UV Green Lancers nga gipangulohan mi CESAFI MVP Hernal 'Wowie' Escocio uban nilang Jerome Silva ug Randy dela Pisa.
 Ang ubang mga players sa SG ni coach Bon Rosito mao silang Quinton Brian Heruela sa UC, Alex Cainglet, Eric Zanoria, Alano Caputolan, Nat Cruz, Joey Manguerra, JL Aberca, Dominic Gaviola, Larke Bacatan ug si Arquisola. 
 Mao kadto ang ikaduhang korona sa SG human sila nakampiyon didto sa Loreto, Surigao del Norte dili pa lang dugay.
 Ang SG nga maoy inisyal sa ginikanan ni Jason nga silang Stephen ug Grace, nipakita usab og aksiyon atol sa Minglanilla Open, Toledo Mayor’s Cup, Carcar Mayor’s Cup ug Lapu-Lapu City Fiesta Cup.  (BANAT NEWS)