Hermag vill ug agro-macro nag-una

CEBU, Philippines - Parehong nakakuha'g twice-to-beat advantage ang Hermag Village ug Agro-Macro Subd. human sila modaug batok sa tagsa-tagsa nila ka kaatbang ug mi-abante sa playoff sa nagpadayong Lord of the Rings - Battle of the Villages kaniadtong Biyernes sa gabii didto sa J Center Mall sa A.S Fortuna, Mandaue City.

Gilubong sa Hermag Village ang La Aldea del Rio sa iskor, 87-44 ug mahimo nang usa ka non-bearing gamer ang ilang duwa batok sa Villa Leyson karong gabii tungod kay dili na kini maka-apekto sa ilang kampanya.

Samtang nakuha sa Hermag Village gikan sa Basak, Mandaue City ang liderato sa  Bracket B sa adult open category, midaug sab ang Agro-Macro Subdivision gikan sa Casuntingan batok sa San Antonio Village, 58-43 aron maoy mangu sa  Bracket A.

Pabiling buhi ang Panagdait Slashers nga nakakuha'g luna sa semifinal crossover batok sa Agro-Macro human ilang gipukan ang Ramirez Village sa Ibabao, Mandaue City, 77-55 ning maong torneyo nga gidalit sa Jonie’s Flavored Chicken.

Apan samtang dako pa og kahigayonan nga mo-abante ang Panagdait Slashers, tungason sab ang dan sa Kasambagan, Cebu City sa ilang tinguha nga mo-abante sa crossover semifinals tungod kay kinahanglan pa silang modaug batok sa Summerville gikan sa Cordova ug sa malig-on nga La Aldea del Rio gikan sa Calawisan, Lapulapu City.

Ang maong torneyo gipaluyohan sab sa Dunkin’ Donuts ug sa Dragon Fireworks.

Sa makausa pa, nagmangtas na sab si Rory Paspie aron pangulohan ang kampanya sa Hermag Village dihang miposa siya'g unom ka three-pointers sa maong duwa samtang si Chris Cabahug maoy nagtimon sa kadaugan sa Agro-Macro sa iyang 18 puntos.

Ang mga tigpasiugda sa maong torneyo mipili kanilang Renil Cortez ug Paspe isip  Best Players of the Games, along with Renil Cortez. Si Cortez  maoy nangu sa Panagdait sa iyang 15 puntos niadtong Biyernes atol sa Christmas HoopStars of J Centre Mall.