CEBU, Philippines - Susama og kapalaran ni Manny Pacquiao ang nahiaguman sa duha ka mga Pinoy boxing prospects nga miaway sa undercard sa Manny Pacquiao-Juan Manuel Marquez showdown kagahapon didto sa MGM Arena sa Las Vegas.
Nangapilde ang mga Pinoy boxers nga sila si featherweight Michael Farenas ug Cebuano lightweight nga si Mercito Gesta kinsa nakatilaw sa labing una niyang pilde.
Mipakita sa iyang kaisug si Farenas diin nakighilam-osay siya og kumo sa gikahadlokang Cuban superstar nga si Yuriorkis Gamboa, apan sa katapusan midaog gihapon si Gamboa pinaagi sa 12 round unanimous decision.
Pakyas usab si Gesta sa iyang tinguha nga makuha ang IBF lightweight belt human siya gilupig sa puntosay ni Mexican Miguel Angel Vasquez.
Midaog hinuon ang super bantamweight nga si Dodie Boy Peñalosa Jr. human niya tumbaha sa round two ang Mexican nga si Jesus Lule Raya. (LPM)(BANAT NEWS)