Sunsport cage camp dad-on sa Bogo

CEBU, Philippines -  Ang dakbayan sa Bogo sa amihanang bahin sa Sugbu mao na usab ang makapahimulos sa Sunsport Basketball  Training Camp nga gikatakda sa Disyembre 26-30 didto sa Don Celestino Martinez Sr. Sports and Cultural  Center sa nahisgutang dakbayan.

Ang beteranong coach nga si Jojo Romarate, ang head trainer sa labing dugay ug labing maayong cage camp sa Visayas ug Mindanao region, miingon nga ilang tudloan ang campers sa fundamentals sa maong matang sa sport sama sa proper shooting, dribbling, passing, footwork ug uban pang mga drills kalabot sa maong paugnat sa kusog.

Dugang pa ni Romarate nga ila sab itudlo ang offensive ug defensive strategies, on-court communication ug uban pang mga teknikal nga aspeto sa duwa.

Ang training session sugdan sa alas-9 hangtod sa alas-11 sa buntag.

Aduna kini registration fee nga P1,000 libre na ang training jersey ug bag-ong edisyon sa Sunsport basketball.

Alang sa dugang mga kasayoran kabahin sa training camp, mahimong mokontak ni Bimboy Tepaet sa 0942-3825840 o di ba ni coach Jojo Romarate sa 0921-2338305 and 0933-2677713 (BANAT PALARO)