Pecandela miihaw sa Bhutakalz

CEBU, Philippines - Giihaw sa Pecandela Law Firm ang Bhutakalz alang sa ilang ikaduhang daog sa quarterfinals sa 9th Integrated Bar of the Philippines (IBP) 2012 basketball tournament  didto sa Capitol Parish gym sa dan Escario.

Ang tandem nilang Ivan Gamallo ug Dennis Tenefrancia maoy naghatag sa Pecandela og 10 puntos nga labaw sa first period, 18-8.

Silang Gamallo ug Tommy Yu maoy topscorer sa Pecandela nga miiskor og 13 puntos matag usa,  samtang si Van Ligutan mao   usab ang nangulo sa Bhutakalz sa iyang game-high 24 puntos.

Sa laing duwa, ang Super Idols midaog batok sa Paneros sa iskor nga 55-50 ubos sa pagpangulo ni Fermin Pepito pinaagi sa iyang 24 puntos samtang ang pointguard nga si Ramsey Quijano midugang og 10 puntos. Ang Pañeros gipangulohan ni Ruel Juban, kinsa miposa og 13 puntos.

Sa bottom four division, ang Eagles miposte og 2-0 nga baraha human miiskor og upset  batok sa Los Demonyos sa iskor nga 70-64.

Silang Ian Santos ug Jan Vallecer maoy nangu sa Eagles  nga nagkumboya og 30 puntos.  Ang napildeng Los Demonyos gipangulohan nilang Art Flores ug Ferdie Riveral nga adunay 17 ug 13 puntos matag usa. (BANAT NEWS)

PUNTOS MATAG USA

Unang duwa:

PECANDELA (59) - I. Gamallo 13, Yu 13, Tenefrancia 12, Fr. Pepito 11, Capoy 6,

Malazarte 2, Godornes 2

BHUTAKALZ (53) - Ligutan 24, B. Velez 10, Verallo 7, Ang 5, Guieb 3, Hupp 2, Arnaiz 2

Ikaduhang duwa:

IDOLS (55) - F. Pepito 24, Quijano 10, Piquero 8, Macion 5, B. Pepito 3, Sumampong 3, Salubre 2

PAÑEROS (50) - Juban 13, Mendoza 10, Retuya 8, Molde 6, Aliño 4, Balorio 3, Calipayan 3, Cabilte 2, Busi 1

Ikatulong duwa:

EAGLES (70) - Santos 18, Vallecer 12, Velmonte 10, Lagahit 8, Hiyas 8, Canta 5,

Miralles 5, Solis 2, Villegas 2

DEMONYOS (64) - Flores 17, Riveral 13, Velez 12, Bauzon 9, Mañus 8, Ortiz 3, Del Prado 2