PhilHealth midaog

CEBU, Philippines - Mipatik og daog ang PhilHealth sa ilang duwa batok sa Bureau of Internal Revenue (BIR), 57-44 sa tinuig nga Association of Regional Executives in National Agencies (ARENA)-Region 7 basketball tournament didto sa DPWH covered court sa South Road Properties (SRP), Cebu City.

Nakabentaha og uno punto ang BIR sa halftime, 25-24, apan     napapas ra kini ubos sa pagtimon ni Richard Arco uban ni Carlo Yu aron moposte’g 41-34 nga abante paingon sa fourth period .

 Silang Arco ug Yu maoy nangu sa PhilHealth nga nagkumboya og 30 puntos, samtang ang napildeng BIR gipangulohan ni Leo Galvez sa iyang 13 puntos.

PUNTOS MATAG USA

PHILHEALTH (57) - Arco 20, Yu 10, Macatol 6, Yap 6, Sasing 4, Magallanes 4, Anadon 2, Catad 2, Ramas 2, Reyes 1

BIR (44) - Galvez 13, Baclayon 7, California 4, Diamos 4,Limbaroc 4, Del Rosario 4, Meso 3, Cavan 3, Dizon 2 (BANAT SPORTS)