Talisay City misakmit sa otomatik sud sa finals sa Gullas Cup

CEBU, Philippines - Gipakauwawan sa perennial  champion Talisay City ang host Carcar City pinaagi sa pagpilde, 92-88 ug aron usab makakuha sa automatic finals berth sa 3rd Gullas Cup sa miaging gabii didto sa Carcar Sports Complex.

Lima ka players ang mirehistro og double figures alang sa Talisay City nga nag-una karon sa liderato bitbit ang 7-1 record.

Si Christopher Obose maoy leading scorer sa Talisay sa iyang 18 puntos, gisundan nila ni Joshua Dela Cerna ug Arvie Cabañero nga mihimo'g 16 puntos matag usa ug nilang Allan Dave Del Rosario ug Giovanni Tabay nga parehong miamot og 13 puntos.

Sila si Navarro Reclear ug Fritz Macasero mirehistro og 17 puntos matag usa alang sa Carcar nga nangandoy'ng makaduwa alang sa ikatulong dapit.

Sa sayo pa, nakalingkawas  usab ang City of Naga batok sa  Sibonga sa iskor nga 94-91. (BANAT NEWS)