Pacquiao hinay pa– Arum

CEBU, Philippines - Mipahungaw sa iyang gamay'ng kabalaka si Top Rank Inc. CEO Bob Arum sa iyang nakita nga daw gitay-an nga lihok ni Manny Pacquiao kinsa mopahigayun sa una niyang sparring session didto sa Wild Card Gym.

Si Arum personal nga mibista sa iyang ‘prized fighter’ didto sa Los Angeles diin si Pacquiao mopahigayun sa nahibilin niyang panahon sa ensayo uban ni Hall-of-Famer trainer Freddie Roach.

“He is in great spirits, his conditioning is good, but he showed a great deal of rust in his first sparring session,” matud pa ni Arum sa examiner.com.

Si Pacquiao mipahigayun og sparring session diin gikasangka niya ang duha ka boksidor nga gipili ni Roach nga naglakip sa beteranong si Rey Beltran ug usa ka wa hinganling Russian boxer.

Hinuon, ang Filipino boxing analyst nga si Ed dela Vega kinsa usa usab sa nakasaksi sa maong sparring session miingon nga sakto ang obserbasyon ni Arum nga hinay pa ang lihok ni Pacquiao, apan nakita gihapon ang kakusug sa kumo sa Pinoy boxing icon sa maong sparring.

“The speed and timing is not all there yet, but the power was evident,” matud pa ni dela Vega sa Philboxing.com. (BANAT NEWS)