2012 Alphonsian Run gitakda

CEBU, Philippines - Mga running enthusiasts sa Lapu-Lapu City ug sa silingang mga dapit ang gipaabot mosalmot sa 2012 Alphonsian Run sa Oktubre 21 nga manukad ug matapos didto sa Lapu-Lapu City Hall grounds.

Gipasiugdahan sa Saint Alphonsus Catholic School (SACS) Alumni Association uban sa suporta sa Lapu-Lapu City Government, ang lumba usa ka fund-raising event.

Ang lumba nga gibahin sa 15K, 6K ug 3K categories,   molibot sa mga kadalanan sa dakbayan sa Lapu-Lapu.

Ganting salapi ug gift certificates ang madawat sa top three finishers sa matag kategoriya.

Ang registration fee nagkantidad og P300 sa 3K ug 6K, samtang P400 sa 15K. Libre na niini ang singlet ug snacks.

Mahimong magparehistro didto sa Easy Travel and Tours sa Lapu-Lapu City, Lapu-lapu City Hall, Runnr sa Ayala Center- Cebu, Gaisano Grand Mall Mactan, Toby’s Sports sa SM City- Cebu ug A Runners Circle sa Raintree Mall. (BANAT SPORTS)