Orcollo pasok sa quarterfinals

MANILA, Philippines - Umabante si 2010 Mas­ters champion Dennis Orcollo sa quarterfinal round ng 2012 World Pool Mas­ters Linggo sa Hala Legionow sa Kielce, Southern Poland.

Binigo ni Orcollo si wo­­men World No.1 Kelly Fi­sher ng England, 8-6.

Mabagal ang simula ng dating mangingisda mu­la sa Bislig, Surigao del Sur nang matalo sa first rack kay Fisher.

Ngunit inangkin ni Orcolo ang sumunod na limang racks.

Nakabangon naman ang women cue artist ma­tapos kunin ang dalawang me­sa patungo sa kanyang 3-6 agwat.

Makakalaban ni Orcollo sa quarterfinals si Mika Im­mo­nen ng Finland, nanalo kay Radoslaw Babica ng Po­land, 8-7.

Samantala, maaga namang nasibak sa torneo si Alex Pagulayan matapos matalo kay Mateusz Sniegocki ng Poland, 6-8, sa kanilang quarterfinal match up.