LLSC midaog na sab sa MRF caging
CEBU, Philippines - Midaog na usab ang Lapu-Lapu Sports Club (LLSC) squad sa pagpangulo ni Josak Arong batok sa MRF Selection, 111-99 sa 2012 MRF open basketball didto sa MRF hardcourt sa Lapu-Lapu City.
Mipabuto si Arong og makabungog nga 38 puntos alang sa LLSC nga kasamtangang nagbitbit og 2-0 nga baraha. Nakatampo sab og daku sa kadaugan si Densio Mendoza nga mikimada og 32 puntos, mikutlo sab og double figures si Anthony Inoc pinaagi sa iyang 10 puntos.
Miani unta og 40 puntos si Tanciong Bongangsiso, apan nakawang lang ang iyang mga paningkamot kay wala niya mapadaog ang MRF Selection.
Si Dennis Inot miabuno og 16 puntos, gisundan ni Elmer Catagcatag nga mikuykoy og 12 puntos ug Kevin Jenson nga mikabkab og 10 puntos.
Ang tinuig nga torneyo gipaluyohan ni Lapu-Lapu City Mayor Paz Radaza, Rep. Arturo Radaza, Marvin Francisco ug sa JB Sportswear ni Billy Nadado.
Puntos Matag Usa
LLSC (111) - Arong 38, Mendoza 32, Inoc 10, Ochea 9, Ngujo 8, Ramos 4, Nadado 4
MRF SELECTION (99) - Bongangsiso 40, Inot 16, Catagcatag 12, K. Jenson 10, Francisco 6, Cuizon 6, J. Jenson 3, Arnado 3, Blanco 3 (BANAT NEWS)
- Latest
- Trending
