CEBU, Philippines - Ang 4th Eduardo Gullas Run nga giisip nga labing daku nga running event sa habagatang bahin sa Sugbu moulbo karong Sabado didto sa Talisay City Hall.
Liboan ka mga runners ang managan sa maong lumba nga gibahin sa lima ka kategoriya -- 10K (Open), 10K (Talisaynon), 5K (Talisaynon), 3K (1st district officials) ug 3K (12-below).
Ang mga opisyales sa Talisay City Sports Commission (TCSC) nga maoy nagpasiugda sa maong lumba mipahibalo nga dul-an sa P43,000 ang giandam nga mga premyo alang sa mga mananaog sa matag kategoriya.
Mangulo sa technical committee mao ang Talisay City Runners Club ni race director Dr. Jasmin Orlanes-Olordvida.
Aduna kini registration fee nga P250 libre na ang race bib, singlet ug snacks. Ang mga estudyante paninglan lang og P50. Ang registration kutob na lang karong Biyernes.
Niadtong interesadong mosalmot, mahimong magparehistro didto sa TCSC office o tawag sa numero 272-2755. (BANAT NEWS)