Consolacion mo-host Coca-Cola Engineer's Cup

CEBU, Philippines - Plansado na ang tanan alang sa 3rd Coca-Cola Engineer's Fiesta Cup didto sa Sta. Lucia   field sa Consolacion.

Si tournament director Engr. Nilo Ferraren mipadayag nga ang football tournament duwaon sa duha ka weekends, una sa Oktubre 13-14 ug dayon sa 20-21.

Ang kalihukan nga gipasiugdahan sa Consolacion United Town Football Club, adunay 14 age-group categories.

Kini mao ang players 6, players 8, players 10, boys 12, boys 15, boys 17, girls 14, girls 17, men's open, ladies open, men's 38-above, men's 42-above, men's inter-company ug ladies inter-company.

Alang sa dugang mga kasayoran kabahin sa maong kalihukan, mohimong mokontak ni Engr. Nilo Ferraren sa numero 0922-889-9443. (BANAT SPORTS)