MJDL, Limasawa mag-abot sa final

CEBU, Philippines - Gibuntog sa MJDL Customs Brokerage ni team owner Mike Logarta ang Kentkyle Cuisine, 76-68 aron xx moabante sa finals sa Bureau of Customs 3rd Major Alfonso Abbariao Cup 2012 basketball tournament niadtong Huwebes sa gabii didto sa Benedicto College gym sa A.S. Fortuna St., Mandaue City.

Miabante sab ang Limasawa pinaagi sa pagpilde sa Green sa iskor nga 85-77.

Ang MJDL-Limasawa final showdown gitakda sa sunod semana didto gihapon sa Benedicto College gym.

Si Janus Abellana maoy nangu sa MJDL pinaagi sa iyang 21 puntos, gisundan sa high-leaping center nga si Jaymar Elloren nga miamot og 19 puntos.

Ang pilderong Kentkyle gipangulohan usab ni Ramil Aniñon, kinsa mibugha og 20 puntos, samtang si Kenneth Maningo mitampo og 17 puntos ug si Bert Real miabuno og 13 puntos.

 Sa laing bahin, si Francis Palero mipupo og 24 puntos alang sa Limasawa, sila si Melchor Petracorta ug Taks Moral nagkumboya og 23 puntos.

Ang Green team gipangulohan nilang Jan Mose ug Noel Medalle nga parehong miposa ug 16 puntos, gisundan ni Boodee Monteño nga adunay 15 puntos.  (BANATNEWS)

PUNTOS MATAG USA

Unang duwa:

MJDL (76) - Abellana 21, Elloren 19, Cal 7, Trinidad 6, Lee 5, Chio 5, Jordan 4, B. Medalle 4, Cortes 3, Bacatan 2

KENTKYLE (68) - Aniñon 20, Maningo 17, Real 13, Caynila 4, Diaz 4, Miscala 4, Marata 4, Engracial 2

Ikaduhang duwa:

LIMASAWA (85) - Palero 24, M. Petracorta 12, Moral 11, Largoza 8, Sagario 7, Villaronza 6, J. Petracorta 6, N. Petracorta 5, Solana 4, Sagarino 2

 GREEN (77) - Mose 16, N. Medalle 16, Monteño 15, Apuya 10, Rabago 8, Gabica 4, De Gracia 4, Alipante 2, Cabrera 2