Melindo paningto'g bogbog - Perez

CEBU, Philippines - Nasayod si Jean Piero Perez (19-4, 14KOs) nga harungon niya ang usa sa labing kusgan nga boksidor nga si flyweight Milan Melindo (27-0, 11KOs), apan ang kanhi world champion gikan sa Venezuela masaligon nga makahimo og dakung upset batok sa ALA Boxing Gym star.

Si Perez gitakdang mohagit ni Melindo alang sa WBO International flyweight championship sa main event sa "Pinoy Pride XVI: Venezuelan Invasion" sa Septiyembre 22 diha sa Waterfront Cebu City Hotel and Casino.

Sa press conference kagahapon didto sa Baseline Restaurant, ang WBA rank No. 4 nga si Perez nagtuo nga anaa ni Melindo ang talagsaong kapaspas ug talento sa boksing bisa'g wala pa siya makakita sa   tape sa mga away niini.

Siyento porsiyento usab siya nga andam nga mo-iskor og upset batok sa 24-anyos nga ring gladiator gikan sa Cagayan de Oro City.

"I don’t usually watch the fight of my opponents in tapes but I heard Melindo is fast and a very good technical boxer," matud pa ni Perez. "Melindo hasn’t lost a fight but I can say that every fight is different and a fight against me will be something hard for him."

Ang Panamanian trainer ni Perez nga si Francisco Arroyo masaligon usab sa kahigayonan sa iyang batos nga modaog atubangan sa mga Sugbuanong boxing fans.

"I don’t want to predict the outcome, but I can say that my boxer has power and a knockout will come if there will be a chance," matud pa ni Arroyo nga mao usab ang trainer ni Rafael Concepcion, kinsa mipilde ni AJ Banal upat na ka tuig ang milabay diha sa Cebu Coliseum.

Nagkanayon si Arroyo nga haniti na sila nga moaway sa balwarte sa kontra ug wala sila mapresyur sa ilang sangka batok sa Filipino world title prospect.  (BANAT NEWS)