Perez misaad og daog

CEBU, Philippines - Daku og respeto si kanhi WBA interim flyweight champion Jean Piero Perez (19-4, 14KOs) ngadto ni Milan Melindo (27-0, 11KOs), apan dili kini niya ipatigbabaw atol unya sa adlaw sa ilang sangka.

Sila si Perez ug Melindo mag-ilog sa WBO International flyweight championship sa main event sa "Pinoy Pride XV: Venezuelan Invasion"   Septiyembre 22 diha sa Waterfront Cebu City Hotel and Casino.

Si Perez, kinsa miabot dinhi sa Sugbu niadtong Biyernes sa gabii, miingon nga sayo siyang mianhi sa Sugbu aron maanad siya sa klima ug seryoso siya sa iyang tahas pagpukan ni Melindo.

Ang 31-anyos nga si Perez nagkanayon nga usa ka kusgan nga boksidor si Melindo, apan damgo niya nga makuha pagbalik ang world title shot hinungdan nga iya gyud nga pildihon ang ALA Boxing fighter.

"I came early to get acquainted with the weather here, I’m serious in winning and I see this as a very big opportunity for me to further get close to a chance to once again fight for the world title," matud pa ni Perez.

Si Perez rank No. 3 sa World Boxing Council (WBC), samtang si Melindo sa No. 4.

"If he (Melindo) is aiming for the world title, I am also doing my best to fight for the world title, he is on my way, so I'm going to win this also for my dream."

Alang ni Perez, wala pa kasugat si Melindo og boksidor nga susama kaniya ug aduna usab siya'y taas nga kasinatian sa pakig-away.

"They say Melindo is a great tactician, but I can also say that I have the skills and experience too, I am not the same as his previous opponents because I’m the kind of boxer who study situations inside the ring."

Sa iyang bahin, ang Panamanian trainer ni Perez nga si Carlos Arroyo kompiyansa sa iyang batos nga mopatigbabaw batok sa 24-anyos nga ALA boxer.

"It will be a battle of two tactician so this will be a very good fight to watch, but sorry to tell, come fight night, my fighter will get the win," matud ni Arroyo.

Si Arroyo mao usab ang nabantog nga trainer nga nakapadaog ni kanhi world title challenger Rafael Concepcion batok ni AJ Banal niadtong 2008 diha sa Cebu Coliseum. (BANAT SPORTS)