Aries Lending, Orya Farms/Comfa midaog sa ilang tune-up game

CEBU, Philippines - Gipanglampurnas sa Aries Lending ug Orya Farms/Comfa ang tagsa-tagsa nilang kaatbang atol sa ilang tune-up games niadtong Miyerkules sa gabii didto sa Crown Regency Hotels and Resorts gym   sa Lapu-Lapu City.

Yano kaayong midaog ang Aries Lending ni Tito Francisco dihang ilang gilumsan ang VKK Divers ni Victor Malingin sa iskor nga 71-51, samtang ang Orya Farms/Comfa ni Roger Ompad midaog sab batok sa Verlex/Lapulapu Electronics ni Alex Dignos, 65-56.

Upat ka players sa Aries Lending ang miiskor og double figures nga gipangulohan ni Almodal pinaagi sa iyang 24 puntos. Gisundan ni Rey Sandal nga adunay 15 puntos, samtang sila si Lito Waray ug Miranda miamot og 14 ug 10 puntos matag usa.

Gipangulohan sab ni Oyao ang Orya Farm/Comfa pinaagi sa iyang 16 puntos.

Sa laing duwa, ang Lapu-Lapu Sports Club (LLSC) midaog sab batok sa St. Alphonsos Catholic School (SACS) Alumni sa iskor nga 78-68 sa ilang exhibition game.

Sa laing bahin, ang big boss sa Rollway Customs Brokerage nga si Rolly de la Pieza nanganting moduwa karon sa dihang ilang sangkaon ang ACP ni Neil Belga sa alas-7 sa gabii sa pagpadayon sa tune-up games didto gihapon sa Crown Regency gym.

Sa ikaduhang duwa sa alas-8 sa gabii, magtigi ang Reys Videoke ni Rey Toledo ug Lheo Autoshop/Jonmar nilang Leo Almacen ug Marlo Llenes, samtang ang RoRo Transport ni Roilan Sumilang makigsangka batok sa Rulls Cellphone Accesories ni Rupert Canizar sa alas-9 sa gabii.

Puntos Matag Usa

Unang duwa:

ARIES LENDING (71) - Almodal 24, Sandal 15, Waray 14, Miranda 10, Francisco 4, Bardago 4, Artiaga 2, Tejano 2

VKK Divers (51) - Hortel 13, Villa 12, Aying 8, Bongo 4, Pleños 4, Arquiles 4, Araw-araw 2, Inso 2

Ikaduhang duwa:

ORYA FARM/COMFA (65) - Oyao 16, Mercado 15, Ompad 10, Sandal 9, Gomos 8, Dueño 4, Cutarra 3, Calambro 2, Ilustrisimo 2

VERLEX/LAPULAPU ELECTRONICS (56) - Arong 13, Dignos 12, Gimena 8, Aton 6, Cañete 4, Genolos 4, Saga 2, Bacante 2, Duran 2, Roxas 1

Ikatulong duwa:

LAPU-LAPU SPORTS CLUB (78) - Genolos 18, Flores 15, Omaña 10, Ochea 8, Bensi 6, Duran 5, Cañete 4, Aton 4, Tiro 4, Gimena 2, Mercado 2

SACS-ALUMNI (68) - Vidal 9, Portes 9, Sandal 8, Giducos 6, Cosep 4, Pepito 3, Patalinghug 3, Berame 2, Baltazar 2 (BANAT NEWS)