Score miiskor og daog

CEBU, Philippines - Miiskor sa una nilang daog ang Sports Correspondents and Reporters (SCORE) pinaagi sa paglubong sa defending champion Defense PNP Press Corps (DEPP), 73-52 sa 2012 Cebu Press Freedom Basketball Tournament kagahapon didto sa Cebu Eastern College (CEC) gym.

Milusad og 14-8 run ang SCORE sa first period ug sukad niadto ila na nakontrolar ang makalumos nga labaw hangtod sa katapusang gutlo sa duwa.

Balanse ang opensa   sa SCORE diin upat sa ilang mga players ang mirehistro og double figures nga gipangulohan ni Jonas Panerio, kinsa miburak og 28 puntos. Si Edri Aznar miamot og 18 puntos, samtang sila si Lemuel Maglinte ug Calvin Cordova mitampo og 14 ug 12 puntos matag usa.

Bugtong si Edgar Escalante lang ang nakaiskor og double figures alang sa DEPP pinaagi sa 26 puntos.

Sa sayo pa, ang City Hall Association of Reporters and Media (CHARM) naka-eskapo bitbit ang 49-47 nga kadaugan batok sa Capitol Beat.

Puntos Matag Usa

Unang duwa:

CHARM (49) - Cerojano 16, Quimod 15, Ligas 8, Obiso 4 Cabarles 2, Balbuena 2, Alcoriza 2

Capitol Beat (47) - Solon 19, Quiñones 16, Pantino 6, Rellin 2, Suarez 2, Mayol 2

Ikaduhang duwa:

SCORE (73) - Panerio 28, Aznar 18, Maglinte 14, Cordova 12, Rosillo 6, Ligas 2, Defensor 2

DEPP (52) - Escalante 26, Mendoza 6, Nadela 6, Belocura 6, Melecio 5, Labrica 4, Esperino 2 (BANAT NEWS)