MANILA, Philippines - Hindi pa rin natitinag ang Perpetual Help sa women’s beach volleyball nang kunin uli ang kampeonato sa 88th NCAA season.
Walang epekto ang desisyon na laruin ang torneo sa Boardwalk sa Subic Bay Freeport noong Sabado’t-Linggo nang pataubin ng Lady Altas ang San Sebastian Lady Stags sa one-game finals sa 21-13, 21-18, straight sets.
Doble ang selebrasyon ng Perpetual Help dahil nagtagumpay din ang men’s team na makuha ang panalo sa men’s division nang padapain ang Letran Knights sa 21-17, 30-28, iskor.
Si Miguel Rafael ang coach pa rin ng koponan at hinirang bilang Coach of the Year habang ang 19-anyos na si Diaz ang siyang pinarangalan bilang Most Valuable Player.
Ang beteranong si Jay Dela Cruz ang siyang hinirang bilang MVP sa kalalakihan habang ang national coach na si Sinfronio “Sammy” Acaylar ang hinirang na Coach of the Year.