Duha ka Filipino Mixed Martial Arts (MMA) fighter nga sila si Eric Kelly ug Honorio Banario ang magsangka alang sa featherweight title sa ONE Fighting Championship sa Oktobre didto sa Singapore.
Sila si Kelly ug Banario pulos midaog sa tagsa-tagsa nila ka sangka sa miaging ONE FC card niadtong miaging Sabado didto sa Smart Araneta Coliseum. (LPM)
Taulava moduwa sa ABL?
Gikataho nga duha ka koponan sa ASEAN Basketball League (ABL) ang mitanyag karon og kontrata ngadto ni veteran PBA center Asi Taulava.
Si Taulava usa karon ka free-agent sa Meralco Bolts. Ang Bolts mitanyag na og contract extension ngadto ni Asi, apan ang sentro padayon pang mitimbang-timbang sa tanyag. (LPM)
Cotto magbasul sa desisyon
Mibahad ang undefeated nga si Austin Trout nga basulan ni Puerto Rican Miguel Cotto ang desisyon niini nga pakigsangka kaniya sa Disyembre didto sa New York.
Nasayran nga si Cotto mibalibad sa tanyag nga rematch batok ni Pacquiao og mas mipalabi sa away batok ni Trout alang sa WBA light middleweight title. (LPM)