San Roque, San Isidro abante sa UBCA semis

CEBU, Philippines - Parehong mikulit og managlahing kadaugan ang Yati-San Isidro ug ang Quiot-San Roque batok sa tagsa-tagsa nila ka kaatbang aron moabante ngadto sa semifinal round sa nagpadayong Upper Bayanihan Catholic Association (UBCA) 2012 Basketball Association didto sa barangay Quiot Sports Complex, ning dakbayan.

 Ang Quiot-San Roque five miratsada sa fourth quarter aron modaug batok sa Dorothy Grace pinaagi sa mainitong tandem nilang ex-SWU Cobra slotman Ronnie Ruiz ug Abs Fabia kinsa maoy nangu sa ilang opensa atol sa ilang 90-81 nga kadaugan.

Mibahug og 29 puntos si Ruiz aron pangulohan ang San Roque samtang silang Fabia ug Eddie Roma nagkumboya og 24 puntos.

Ang pilderong Dorothy Grace gipangulohan ni Roy Abacajan sa iyang 28 puntos samtang si Jay-R Bacus mitampo og 11 puntos.

Sa sayo pa, gilampurnas sa Yati-San Isidro ang Suran, 105-81.

Silang Danrey Baclay ug Ronald Sevellejo parehong miposa og 17 puntos matag usa alang sa kadaugan sa Yati-San Isidro.

Mihakot og 20 puntos si Nonie Sabandeja alang sa Suran ug miabuno si Allan Borces og 12 puntos.

Sugdan ang semifinal karong Domingo diin magbagat ang Grace Bostolits ug Quiot-San Roque, ug magsangka ang Yati-San Isidro batok sa Mayupay-ICC Pharmacy.

Puntos matag usa:

First Game:

QUIOT (90)- Ruiz 29, Fabia 13, Roma 11, Murillo 8, Dada 6, Intud 5, Capacio 5, Sumshady 4, Elechicon 4, Rejeem 3, Allera 2.

D. GRACE (81)- Abacajan 28, Bacus 11, Nunez 10, Ecojedo 7, Sumargo 7, Palanas 4, Dela Cruz 4, La Penia 4, Cabuenas 4, Calumpang 2.

Second Game:

YATI (105)- Baclay 17, Sevellejo 17, Garcia 16, Calvo 13, Faunillan 12, Ramirez 10, Villasencio 9, Perez 6, Villantes 3, Tabar 2.

SURAN (81)- Sabandeja 20, Borces 12, Gabonia 10, Pahamutang 9, Saromines 8, Redemio 8, Canarias 6, Dela Cerna 4, Nardo 2, Louie 2.