UFC veteran hadlok ni Pacquiao
CEBU, Philippines - Bisan pa og usa siya ka gikahadlokang Mixed Martial Arts (MMA) fighter, miangkon ang Ultimate Fighting Championship (UFC) veteran nga si Phil Baroni nga magpanagana siya nga makigharung ni Filipino boxing champion Manny Pacquiao.
Si Baroni ania sa nasud alang sa iyang away sa ONE Fighting Championships karong Agosto 31 didto sa Araneta Coliseum diin iyang sangkaon ang Brazilian nga si Rodrigo Ribiero.
Si Baroni kinsa usa una ka amateur boxer sa wala pa misud sa natad sa MMA, nagkanayon nga usa niya ka idolo si Pacquiao, apan huna-hunaon usa niya og maayo kun ugaling mahatagan siya og kahigayunan nga moaway sa Pinoy boxing superstar.
“He’s too good for me, too fast,” matud pa ni Baroni sa The Philippine Star. “But I’d like to meet him though and I would definitely try to get an autograph and have a photo with him.”
Mitug-an si Baroni nga suod niya nga higala ang duha ka sikat nga Fil-American fighters sa UFC nga sila si Brandon Vera ug Mark Muñoz ug nakita niya nga sa dili madugay adunay Filipino MMA fighter nga mosikat sa tibuok kalibutan.
- Latest
- Trending
