Limasawa ug avenido nakabihag

CEBU, Philippines - Gidabo-dabohan sa Limasawa Customs Brokerage ang Alin Customs Brokerage sa iskor, 99-82 alang sa ilang ika-upat nga daog sulod sa lima ka duwa atol sa nagpadayong Bureau of Customs-3rd Major Alfonso Abbariao Cup 2012 basketball tournament sa miaging adlaw didto sa Basak San Nicolas gym ning dakbayan.

Sa laing duwa, gilubong sa Avenido Brokers ang undermanned Kentkyle Cuisine, 95-80 alang sa ilang ikaduhang daog sulod sa lima ka duwa.

Naglabaw ang Limasawa, 26-20 sa opening period apan mipabuhagay og 21-12 rally ang Alin Brokers aron molabaw sa halftime, 41-38.

Nabalikan sa ilang kainit ang Limasawa didto sa third period diin milabaw sila og siete puntos human ma-outscore ang Alin, 30-20 ug may 68-61 nga labaw pagsugod sa fourth quarter.    

Ang top center nga si Taks Moral maoy nangu sa Limasawa sa iyang game-high 30 puntos uban sa solidong kontribusyon sa ilang pointguard nga si Reden Villaronza kinsa midugang og 18 puntos.

Ang Alin Brokers (4-1) gipangulohan nilang Edwin Estorgio ug Ryan Villomo sa ilang 18 ug 17 puntos, matag usa.

Sa laing bahin, silang Rito Castillo ug Yol Arevalo maoy nangu sa Avenido Brokers pinaagi sa ilang 18 ug 15 puntos, matag usa.

Ang Kentkyle Cuisine kinsa nagduwa nga kuwang og mga players, gipangulohan ni Ramil Anino sa iyang 22 puntos ug si Kenneth Maningo miposa og 17 puntos.

Puntos matag usa:

First game:

AVENIDO (95)- Castillo 18, Arevalo 15, Lim 12, Avenido 10, Mondin 8, Tabucal 6, Sala 6, Cayanong 5, Tandas 4, Bation 4, Ompad 4, Elorde 2, Inhambre 1. 

KENTKYLE (80)- Aninion 25, Maningo 17, Miscala 12, Real 10, Rama 6, Diaz 6, Caynila 2, Alaan 2.

Second Game:

LIMASAWA (99)- Moral 30, Villaronza 18, Sagarino 8, Sagario 6, N. Petracorta 6, F. Palero 6, J. Petracorta 6, Largoza 6, Bontuyan 5, Mc. Petracorta 4, Solana 2, Manlosa 2.

ALIN BROKERS (82)- Estorgio 18,Villomo 17, I. Alin 13, Barral 12, Egpit 8, Labrador 6, Lleve 4, Desucatan 2, G. Alin 2.