CEBU, Philippines - Pulos mirehistro og daog ang ABS-CBN/DYAB ug GMA-7 Kapuso/DYSS batok sa tagsa-tagsa nila ka mga kaatbang sa Newsmen Basketball Association of Cebu (NBAC) 2012 Season kagahapon didto sa Apas Sports Complex sa Brgy. Apas, ning syudad.
Ang ABS-CBN mipilde sa kuwang sa tawo nga The Freeman/Bombo Radyo, 102-69, samtang ang top seeded nga GMA-7/DYSS midaro sa Cebu Daily News/DYLA, 122-102.
Si Jojo Satuita maoy nangulo sa ABS-CBN sa iyang 21 puntos, samtang ang TV reporter nga si Edgar Escalante mitira og 18 puntos. Ang The Freeman nga miduwa nga adunay lima lang ka players gipangulohan ni The Freeman Sports Editor Manny Villaruel sa iyang 38 puntos.
Sa laing duwa, ang cameraman nga si Godfrey Rellin miiskor og 28 puntos sa GMA-7, samtang si Peter Romanillos mitira og 41 puntos sa CDN.
PUNTOS MATAG USA:
Unang duwa
GMA-7 Kapuso (122)-Rellin 28, Solon 21, Mendoza 16, Pantino 11, Majait 10, Suarez, 9
CDN/DYLA (112)- Romanillos 41, Cordova 37, Mayol 11, Rosal 10, Aragon 9
Ikaduhang duwa
ABS-CBN/DYLA (102) – Satuita 21, Belocura 20, Escalante 18, Nadela 15, Edison 11, Labrica 6, Buhotano 4
The Freeman/ Bombo Radyo (69) – Villaruel 38, Navarro 11, Banaynal 8, Maglinte 6, Melecio 6