MANILA, Philippines - Magsusukatan ang nagdedepensang Philippine Army at Sandugo-SSC sa pagpapatuloy ng Shakey’s V-League Open ngayon sa Ninoy Aquino Stadium.
Ang larong ito ay itinakda dakong alas-6 at ang mananalo ang siyang mananatiling nasa unahan sa ligang inorganisa ng Sports Vision at may ayuda ng Shakey’s Pizza.
Parehong may 3-0 karta ang Army Ladies at Lady Stags kaya’t tiyak na magiging mahigpitan ang magaganap na tagisan.
Unang laro sa ganap na alas-2 ay sa hanay ng Ateneo at Cagayan bago sumunod ang tagisan ng Navy at FEU sa alas-4.
Nais ng Lady Eagles na manatili sa ikatlong puwesto sa pagpapa-ibayo sa kasalukuyang 2-1 baraha habang ang Rising Suns ay magbabalak na wakasan naman ang dalawang dikit na pagkatalo sa Sandugo at Army.