CEBU, Philippines - Nagmangtas ang defending champion University of the Visayas (UV) Baby Lancers sa third period aron ihawon ang Don Bosco Technology (DBTC) Junior Greywolves, 80-54 secondary match sa 12th Cebu Schools Athletic Foundation, Inc. (CESAFI) kagahapon didto sa Cebu Coliseum.
Na-outscored sa Baby Lancers ang Junior Greywolves, 23-13 aron tapuson ang maong kuwarter sa iskor nga 57-35. Wala pa matagbaw, giinat pa sa Baby Lancers ang labaw sa final period.
Maayong pagkabahin ang puntos sa Baby Lancers nga gipangulohan ni reigning MVP Paul Andres Desiderio pinaagi sa iyang 15 puntos.
Laing tulo niya ka kauban ang miiskor sab og double figures.
Silang Reeve Santillan ug Jun Carlo Mipana parehong mitikdol og 11 puntos, samtang si Datu Aiman Yusof Samal mitimang og 10 puntos alang sa Baby Lancers nga pabiling walay pilde sud sa lima ka duwa aron temporaryong maghari sa liderato sa secondary division.
Si Ryan Aliganga mitangag og 11 puntos ug si Vincenzo Ortega mitukob og 10 puntos alang sa pilderong Junior Greywolves nga wala pa makatilaw og daog sa lima nila ka duwa.
Puntos matag usa
UV (80) - Desiderio 15, Santillan 11, Mipaña 11, Samal 10, Cañete 8, Fernandez 8, Dinolan 4, Bercero 4, Suan 2, Limitares 2, Dela cerna 2, Manzo 2, Escalona 1
DBTC (54) - Aliganga 11, Ortega 10, Geraldizo 8, Fabian 8, Ando 7, Canda 5, Matias 4, Cruz 1
(BANAT NEWS)