"Hero's welcome" alang ni Casimero

CEBU, Philippines - Usa ka "hero's welcome" ang mosugat ni Filipino boxing champion Johnriel Casimero karong adlawa gikan sa iyang malampusong pagdepensa sa iyang IBF light flyweight title niadtong Domingo didto sa Mazatlan sa Sinalao, Mexico.

Ang 22-anyos nga si Casimero miplansa sa iyang estado isip IBF champion human niya gipilde pinaagi sa "split decision" ang Mehikanong si Pedro Guevara.

Uban sa iyang promoter nga si Sammy Gello-ani ug trainer Pingping Tepora, si Casimero moabot sa Pilipinas sa alas-11 sa buntag. Sa iyang pag-abot ipahigayon sab dayon ang   motorkada sa Team Casimero gikan sa Mactan Cebu International Airport ngadto sa Omega Boxing Gym diin usa ka press conference ang gipaabot.

Sa maong kadaugan, si Casimero nalakip karon sa nagkataas nga lista sa mga Pinoy boxers nga midaog og world title sama nila ni eight-division world champion Manny Pacquiao, super bantamweight king Nonito Donaire Jr., Brian Viloria ug Donnie Nietes. (BANAT NEWS)