Baby lancers miihaw sa Baby Panthers

CEBU, Philippines - Yano kaayong mikulit sa ilang ikaduhang daog ang defending champion University of the Visayas (UV) Baby Lancers human nila gilubong ang University of Southern Philippines Foundation (USPF) Baby Panthers, 89-61 sa 12th Cebu Schools Athletic Foundation Inc. (CESAFI) kagahapon didto sa Cebu Coliseum.

Ang UV Baby Lancers misugod paglubong sa USPF Baby Panthers sa third period sa giya ni MVP Andres Paul Desiderio, kinsa miiskor og nagkadinang otso puntos alang sa kinatibuk-an niyang 14 puntos. Gisamotan pa ni Leonard Santillan nga mibahog og sayes puntos sa final period.

Ning pagsuwat, padayon pang nagduwa ang UV Green Lancers, kinsa nagtinguha sa ilang ikaduhang daog batok sa Cebu Institute of Technology-University (CIT-U) Wildcats.

Daku kaayo og labaw ang UV Baby Lancers sa halftime, apan ang USPF Baby Panthers nakahimo pagkitkit ngadto na lang sa sayes puntos, 35-41 human sa three-pointer ni Dominic Estremos sa third period.

Hinuon, mitubo pagbalik ang labaw ngadto sa double figures   ug tungod sa kadaku sa abante, gipasulod na ni coach Jun Pepito ang iyang second stringers nga naglakip ni Ernesto Limitares, Dave Cabanilla ug Jun Kent Manzo aron maoy motapos sa duwa. 

Puntos matag usa

UV (89) - Desiderio 14, Dinolan 10, Santillan 9, Fernandez 8, Manzo 8, Suan 6, Limitares 6, Canete 6, Dela Cerna 5, Samal 5, Marquez 4, Bercero 4, Cabanilla 2

USPF (61) - Gahi 13, Estremos 9, Isok 8, Belande 7, Villarta 7, Patalinghug 6, Batoon 4, Dagatan 4, Perez 3 

MJDL, Limasawa midaog sa Customs hooplah

Mikulit og managlahing daog ang MJDL Customs Brokerage ug ang Limasawa Customs Brokerage sa 3rd Major Alfonso Abbariao Cup 2012 Biggest Loser basketball tournament didto sa Basak San Nicolas gym, ning siyudad.

Ang MJDL midaog batok sa Cebu International Ports Users (CIPU) ni Yoly Cena, 96-83 alang sa ikaduha nilang daog. Samtang ang Limasawa Customs Brokerage midaog sab batok sa Avenido Customs Brokerage, 87-72.

Miposa og 27 puntos si Janus Abellana aron pangulohan ang MJDL, nakakuha sab siya og suporta gikan nilang Jaymar Elloren ug Eman Chio nga nagkumboya og 33 puntos. 

Ang beteranong si Gelran Gelbolingo maoy nangu sa CIPU sa iyang 26 puntos, gisundan ni Chris Manulat nga adunay 17 puntos.

Sa laing bahin, silang Taks Moral ug Francis Palero nagkumboya og 38 puntos aron pangulohan ang Limasawa Brokers, samtang si Rito Castillo mao usab ang nangulo sa Avenido pinaagi sa iyang 20 puntos, gisundan nilang Randy Francia ug Erlito Avenido nga parehong miamot og 10 puntos.

Puntos matag usa

Unang duwa:

LIMASAWA (87) - Moral 20, Palero 18, M. Petracorta 10, Sagarino 10, Solana 10, G. Petracorta 4, Manlosa 4, N. Petracora 4, Villaronza 3, Sagario 3, Largoza 2

AVENIDO (72) - Castillo 20, Francia 10, E. Avenido 10, Lim 8, Mondin 6, Batoon 6, Sala 3, Arevalo 3, Tandas 2, Inhambre 2, Tabucal 2

Ikaduhang duwa:

MJDL (96) - Abellana 27, Elloren 22, En. Chio 11, Medalle 10, Cabaltera 9, El. Chio 5, Jardon 4, Cal 4, Lambayan 2, Pacubas 2

CIPU (83) - Gelbolengo 26, Manulat 17, Ju. Garcia 8, Allerite 8, Morre 6, Je. Garcia 5, Cena 3, Oporto 2, Pangan 2, Carreon 2  (BANAT NEWS)