CEBU, Philippines - Masaligon si Mexican Rosbel Lobito Montoya nga modaog gihapon kini batok ni ALA rising star Jason 'El Niño' Pagara sa ilang "rematch" sa "Pinoy Pride XV: Philippines vs. Mexico sa Agosto 18 diha sa Waterfront Cebu City Hotel and Casino.
Atol sa una nilang engkuwentro niadtong Septiyembre 10, 2010, si Montoya (36-4,30KOs) midaog ni Pagara (28-2, 17KOs) pinaagi sa "unanimous decision."
Nagpasalamat og daku si Montoya ngadto sa ALA Promotions nga gihatagan siya'g kahigayonan sa pakig-away og balik ni Pagara.
Sa kasaysayan sa boksing, si Montoya lang ang ikaduhang Mehikano nga midaog dinhi sa Pilipinas sunod ni kanhi world champion Fernando Montiel.
Nahibalo na si Montoya nga mas lig-on nga Pagara ang iyang sangkaon sa "rematch", apan masaligon siya nga maoy modaog sa maong away.
"Judges in the first fight were very good and honest and giving me the clean victory. This time it will be the same, but I will win by knockout," matud ni Montoya. - BANAT NEWS