Hoshina mas piniling katawanin ang Phl

LONDON — Nasa dulo ng kanyang pagtakbo sa uma­ga sa Athletes Village, bu­magal si judoka Tomohi­ko Hoshina para kumaway at ngumiti sa isang grupo ng Japanese athletes na pa­tungo sa dining hall.

Ito rin ang ginawa ng Fi­lipino-Japanese athlete sa kanyang bawat nasasalu­bong sa kanyang 40-minu­te jog na nagpasaya sa kan­yang mga kakampi sa Phi­lippine Team para sa 30th Olympic Games dito.

Si Hoshina ay palakaibigan at madaling lapitan.

At tapat rin siyang sabihin kung bakit niya suot ang Philippine uniform sa kan­yang unang paglahok sa Olympic Games.         

Sinabi ng 25-na si Ho­shina na mas pinili niyang ka­tawanin ang Pilipinas sa mga qualifiers para sa London Games kesa sa Japan kung saan mas maraming ma­gagaling sa kanya.

“Small chance in Japan,” sambit ni Hoshina. “ There in the Philippines easy.”

Walang problema kung alin­man sa Pilipinas at Japan ang katawanin ni Hoshina sa Olympics at maging sa iba pang international tour­naments dahil taglay ni­ya ang dual citizenship.

Ang kanyang inang si Vil­ma Aldaba ay tubong Ma­lolos, Bulacan at nagtatra­baho sa American base sa Ja­pan at ikinasal sa isang Ja­­panese serviceman na na­­matay nang si Hoshina ay 13-anyos pa lamang.