CEBU, Philippines - Kapin sa usa ka gatos ka mga Cebuano tennis players ang midagsa ngadto sa Mandaue City Tennis court aron musalmot sa unang season sa Vice Mayor Glen Bercede Invitational Lawn Tennis Tournament nga gisugdan kagahapon ug matapos sa Hulyo 29.
Ang kategoriya nga tigian sa usa ka semana nga torneyo nga mao ang class A, B, C ug seniors doubles.
“Aside from promoting camaraderie to all the Cebuano tennis players, another reason that I organize this tournament is for them to have the chance to practice their skills in preparation for another bigger tournaments,” matud pa ni Bercede kinsa mao ang nangulo sa ceremonial serve.
“Plano namo nga himuon ni nga yearly and hopefully we will have a much more bigger seasons in years to come.”
Ang kampiyon sa torneyo mosakmit og P8,000 ug trophy, samtang ang runner-up makadawat og P4,000, samtang ang napilde nga mga semifinalists makadawat og P1,000 matag usa.
Ang torneyo gisuportahan sa Sangguniang Panlungsod, Mandaue City Sports Commission ug Mandaue City Government ni Mayor Jonas Cortes. - BANAT NEWS