CEBU, Philippines - Gidominar sa Baseline Taekwondo Training Center ang 2012 Regional Taekwondo Championships and Metro Cebu Poomsae Championships niadtong Domingo didto sa Insular Square sa Mandaue City.
Ang kadaugan sa Baseline sa poomsae event maoy hagdanan sa ilang kampanya pagkab-ot sa overall title.
Nagsunod alang sa ikaduha sa overall ang Avenger's Taekwondo Center, gisundan sa MRoline Dojang TKD (MDTC) alang sa ikatulo nga dapit.
Mikapyot sa ikaupat hangtod sa ikaunom mao ang Minglanilla Canii, R Power ug Toledo Taekwondo.
Sa poomsae event or forms, ang Baseline nikabkab og 12 ka bulawan, siyam ka silvers ug 10 ka bronzes.
Nagsunod ang ATC sa ilang pito ka golds, lima ka silvers ug tulo ka bronzes, dayon ang Canei nga adunay duha ka golds, duha ka silvers ug upat ka bronzes, samtang ang San Roque Child Development School sa Consolacion mihipos og usa ka gold, usa ka silver ug duha ka bronzes.
Sa kyurugi or sparring competition, ang M Roline Dojang mihakot og kinatibuk-ang siyam ka golds, walo ka silvers ug unom ka bronzes aron sakmiton ang unang dapit. (BANAT NEWS)