SHS-AdC mopasiugda'g 2nd Friendship Swim 2012
CEBU, Philippines - Gawas sa football, running ug basketball, ang Sacred Heart School-Ateneo de Cebu (SHS-AdC) mopasiugda sab og "2nd Friendship Swim 2012: nga gikatakda sa Hulyo 21 didto sa swimming pool sa maong tunghaan sa Brgy. Canduman sa Mandaue City.
Lakip sa mga eskuwelahan nga gidapit pagsalmot sa usa ka adlaw nga kompetisyon mao ang University of San Carlos, Maria Montessori International School, University of the Visayas, Cebu Normal University, Sacred Heart-Hijas de Jesus, Paref-Springdale, Southcrest, Talisay City, Philippine Institute of Technology sa Palompon ug University of Bohol.
Ang individual event naglatid sa 6-under, 7-8, 9-10, 11-12, 13-14. 15-17 ug 18-above age groups. Sa relay competition, aduna kini 12-under, 13-17 ug 18-above categories.
Tanang koponan kinahanglan mosumiter sa ilang entry forms ngadto ni Jess Arriola sa [email protected] sa dili pa ang Hulyo 18. (BANAT SPORTS)
- Latest
- Trending
