CESAFI mitugot sa volleyball players pagduwa sa GUV Cup

CEBU, Philippines - Naluwas ang volleyball players sa balaod sa Cebu Schools Athletic Foundation Inc. (CESAFI).

Ubos sa CESAFI rulebook, ang mga atleta gidid-an sa pag-apil sa ubang mga sporting events   samtang   nagpadayon pa   ang torneyo.

Apan si CESAFI commissioner Felix ‘Boy’ Tiukinhoy Jr. miingon nga ang volleyball players walay labot sa maong probisyon dihang ang liga mitugot kanila nga mopakita’g aksiyon sa Governor Gwen Garcia Unity Volleyball (GUV) Cup, usa ka province-wide competition nga gipasiugdahan sa Cebu Volleyball Association (CEVA) ubos ni Andrew C. Choachuy.

Ang CESAFI volleyball event gikatakda sa Agosto 18 hangtod sa Oktubre 6, samtang ang CEVA motakda sa ilang GUV Cup season sa Agosto o di ba sa Septiyembre

Kun ugaling adunay conflict sa iskedyul, si CESAFI deputy commissioner Danilo G. Villadolid miingon nga ang tunghaan maoy unang prayoridad sa mga hingtungdan. (BANAT SPORTS)